الاكثر مشاهدة هذا اليوم
المتواجدون الآن ؟
ككل هناك 6 عُضو متصل حالياً :: 0 عضو مُسجل, 0 عُضو مُختفي و 6 زائر :: 1 روبوت الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 60 بتاريخ الخميس أبريل 05, 2018 10:36 pm

شعر حزين قصير حلو

استعرض الموضوع السابق استعرض الموضوع التالي اذهب الى الأسفل

شعر حزين قصير حلو

شعر حزين قصير


شعر حزين
سمح الله طريقك لا نويت الرحيل
منت الأول على درب المــوادع رحل

قبلك الناس واجد سوّت المستحيل
ودها مـا تـوادع والمـوادع حصـل

........................

نضحك وفـ الدنيا كثيرين يبكون
وإذا اضحكوا في يوم حنّا بكينا

أحوالـنـا في كـل ليلة .. لها لون
مـرّة : لنا الـدّنيـا .. ومرّه عليـنا

........................

الله مـــن قلبٍ تلوعه طواريه
لوع الهواء لغصون سدر اللياني

مرنٍ توميبه و مرنٍ تخليه.....
و مرنٍ تجره جر حبل السواني

.......................

تعلمت من سود الليالي حـكم ودروس
ولازلت أردد بيت شعرٍ عـلى لساني

صديق المصالح لو شرى خوتك بفلوس
طبيعي يبيعك لا قسى الوقت مجاني

........................

ما بينك ، و بين الاوادم . . فارق
و محبتك . . لا عاد ، تنشد عنها

أن كان ودك بـ المفارق .. فارق
فارقت ناسٍ منت بـ أطيّب منها

.........................

نعيش ب آلدنيا آلعريضه وَنحلم
ويمكن نحب أشياء وفيها مضـره
.
يارب وَآنت آللي عن آلغيب تعلم !
آكتب لناا آللي فيه خـيرّ وَمسره!

..........................

ندعي ونستغفر إذا صآبنا ضر
ونبكي على مآ قدر ،، آلله علينا
.
وننسى ونتنآسى ونلهى ونغتر
لا طابت جروح الزمان ، وَشفينا

.........................

إبتعادي عنك ما يحتاج سبه
بيض الله وجه جرحك لا حكيت

الخطأ أحيان يرخص من تحبه
وأنت ما قصرت أخطيت و وفيت

........................

ليا هانت الرفقه على قاصـر الذرعان
علينا تـرى رفقة هل الطيب ماهانت

نحب الــوفا ونرد الإحسان بالإحسان
ولا شانت أنفسنا لو أيامنا شانت.

......................

أكبر هموم القلب تركك للصلاة
والا ترى الدنيا مشاكلها تهـــون

ماتستريح النفس وتزين الحياة
إلا مع اللي يركعون ويسجــدون

......................

لو ان الحسافه والندم تمسح اللي فات
وتشــــفع لحاضرنا وتغفر لـ ماضينا

صرفنا الحسافه كلها والندم "بالذات"
على اللي نعلمه الرمـــــايه ويرمينا

......................

العام اكتب فيك والقلب ( صانك )
واليوم عن كتب القصايد .. توقفت

شفت القصيد اللي كتبته / عشانك
هالحين لا مني / قريته .. تحسفت

......................

اقطف ثمر دنياك وابعد عن الياس
اضــحك وعيش وتالي العــمر بايد

مهما تسوي طيب مـا ترضي الناس
من خلقة الدنيا رضى الناس كايد

......................

يـآرب يسرها على كل ضـايـق
وارفع ستار الهم عن كل محزون

لو كان في درب السعادة عوايق
تهون مع رحمتك يا خالق الكون !

.......................

إبتسم ترى العمر تحصيل حاصل
كن سعيد أكثر تكون أكثر وسامة

الـسـلام أسهـل أساليب التـواصل
وأجمل أنـواع الـسـلام الإبتسـامة

........................

آتسلف لك الضحكة من الوقت دين
وآتجــمّل عـشان عيـــونك الـغالـيات

العــــمر حبّ والدنيا رحى والسـنين
تنطحن لك وباقي من شتاتي شتات

.........................

ليه صرنا نفـــقد الحـــزن ونجيه
نجـــهل الضحكات ونعــــرف البكا

والصديق اللي تجي تشكي عليه
مستحــيل تــروح منه ..ما شـكا

.........................

شف وجه الأيام من هاجرتها شاحب
وعيون الأمال نامت عن رجآ بكرى

خليت حزنك معاي وصارلي صاحب
ليتك خذيت السهر والليل والذكرى

.........................

المسٱلھ قبل الشعـر مسٱلة ذوق
وَ اللّي عزلني عن طريقھ عزلتھ

الطير يغريھ الفضآ لآ شلع فوق
وَ أنآ عـزآي الـوآدي اللـي نزلتھ

ياكثرالكلام اللي ورا صمتنا محبوس
بعد يبست أرياق الوفا في حناجرنا

قنعنا من الدنيا وعطانا الزمان دروس
عسى الله على بعض المعارف يصبرنا

.......................
اصحابي الواجد اللي ماعليهم كلام
عندي سوى بس اسوي بينهم تفرقه

احدٍ ذخرته لدورات الليالي حزام
واحدٍ ذخرته لجل كشته ولعب ورقه

.......................

مديت كف الوفـا واثـر الوفا مايفيـد
في ناس ماعـاد طيبك يملي عيونها

لا بارت الأرض لا ترجا وراها حصيـد
وش فايدت هالشجر لايبست غصونها

.......................

مابغيت المفارق / بس غصبٍ علي !!
حدني ظرفي الي / حد غيري كثير !!

يالله إنك تعوضني على كل شي !!
شاب راسي من الدنيا / وتوي صغير

.......................

ولــرب نازلةٍ يضيق لـها الفتى
ذرعاً وعند الله منها المخـــرج

ضاقت فلما استحكمت حلقاتها
فرجت وكنت أظنها لا تفـــرج

.......................

ما نكشف اسرار الصديق المقفي
نوفي معه لآخر حياته ونبكيه

وليا ذكروه بسو نزعل وننــفي
ونذكر محاسن سيرته يوم نغليه

........................

يا هاجِري ظُلماً بغيرِ خطيئةٍ
هل لي إلى الصفحِ الجميلِ سبيلُ؟

ماذا يضُرّك لو سمحتَ بنظرةٍ
تحيا بها نفسٌ عليك تسيلُ..!

........................

ياشينها لاصرت مخلص وخانوك
كم ضاقت الدنيا الوسيعه بعيني

لابو الهـوى ولابو الليالي ولابوك
ولابو الوفا لاصار يلوي يميني..!

........................

لا جابوا اخباره وطروا سيرتـہ
لجت معاليق الضماير مرحبا

وجاني حنين المغترب عن ديرتـہ
والشايب اللي حن لـ أيام الصبا

........................

على طاري الولف المعتقٌ ونوح الورق
عليه السلام وصادق الود له منيٌ !
ٰ
تمثنى معاليقـي وصلى بقلبي شرق
سرت به مجاهيمٌ الليالي وهملني .

........................

لا تعب قلبِكْ مــِن الدِنيا وضَاق
لاتبيّن حتَى لـو جرحك عميق

عز نفَسِك حتى لو شِفت الفراق
موت شامخ يارفيقي لا تضيق..!

.......................

مآطاح في قلب آلغلآ غير الأوجآع
ومآ شآلت كفوف آلندم/غير ضيقه

آثر آلغلآ لا زآد عن حدّه .. أنبآع
مثل آلدفى لآزاد .. يصبح حريقه

........................

ياللي تقول البرد جمد عظامك
افرح ولا تصبح من الجو مستاء

لو ذقت ماا جاني .. تغير كلامك !
برد المشاعر غير عن برد الاجواء

.........................

استريحيى يا عيـوني واستكنّي
مابـه الا ما كتبه الله علينا

لو نحصّل ما نحبه بالتمنّي
كان كل اللي نحبه في يدينا

.........................

لو ان الحسافه والندم تمسح اللي فات
وتشــــفع لحاضرنا وتغفر لـ ماضينا

صرفنا الحسافه كلها والندم "بالذات"
على اللي نعلمه الرمـــــايه ويرمينا

.........................

أخذلـوني وضيقـوا كـل الأمــاكن !
وشرهتي توصل لحنجرتي و تاقف

كانـوا أقـــرب من زرار الثوب لَكن ؟
طيّح الله حــظهم" عند المواقف !

.........................

مـن فراقك مالقيت ايات شيٍ اقسى ؟
صدتك توجع ودمعي لاذكرتك ماطر

لاتقـول : اني مـع الأيام أكبر وانسى
وانت حاجه لو اشيّب باقيه فِ الخاطر

.........................

ستر المواجع داخل القلب راحـه
لـو يمتلي صــدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت

.........................

قـل /للـمصاايب /والعنا /والغرابيل
تـرى شـربنـا مـرهـا /وارتـووينا...!

وقـل للضلوع العــوج تبقى مقافيل
بنموت و لغيـر الولي مـا شكينا.

.........................

قـرب تعــآل ورتب أوجــآع الأيآم
يمكن تعرف أسبآب صمتي ورآهم..

أنـآخســـرت أحـبآب وأيآم وأحلآم
مآ عاد تفـرق لوخــسرتك معآهم

..........................

نبتسم حتى لو إن الحلم : تآلف
نزرع :الآمآل لــكن ؟ وش جنينآ

ننجرح ونقول : عآدي مآ يخآلف
وكل جرح ؟يوصي الثآني : علينا

..........................

ياكثرالكلام اللي ورا صمتنا محبوس
بعد يبست أرياق الوفا في حناجرنا

قنعنا من الدنيا وعطانا الزمان دروس
عسى الله على بعض المعارف يصبرنا

...........................

لا هز قلبك من ظروف الزمن ظرف
تلقى من أهـل الطيب من يخدمونك

وأطيب من اللي يخدمونك على عُرف
اللي يخدمونك ولا يعرفووووونك..

...........................

الله من رقم ن له شهـــــور مادق
ما يتصل حــــتى الرسايل نساها

اخطى بحقي راح وانا أطلبه حق
نسى الامانه والمحبه نساها...

..........................

أبتسـم للنـاس وأضحـك للحيـاه
ولو تضيق اليوم قل : بكره تزين

أعــرف أن اللـه وحـده لا سـواه
قـادر إنـه يبهج الصـدر الحزين

...........................

بـ نفوسنا رغبه وفي وجيهنا دمّ
لو تبســط الحاجـه لنا راحتيـها

ان وافقـت بـ العــز قلنا لها تـمّ
وان كان فيها ضعفنا ؟ مانبيها

...........................

على غثا الدنيا ترى الصبر مطلوب
واجه عناء الدنيا بصبر وعزيمه

ياالله ترزقنـا مثـل .. صبـر آيووب
صبراً تواليه .. الفـرج و الغنيمه

...........................

تشوف فزعة شخص ماهو على البال
واللي تهقوا به .. يسوق اعتذاره !

واللي توقف له .. مواقيف الأبطال ؟
يقعد ، ويشمت فيك خلف الستاره !

..........................

الذاكره عاجزه .. تستوعب الغايبين !!
وأنا تعبت أنتظر ، ما ودهم يرجعون ؟

مدامهم عن حياتي : لـ الأسف راحلين
عن ذكرياتي وحنيني ليه ما يرحلون ؟

..........................

ما طلبنا الناس مدح ولا شفاعه
ولا نمن بشي .. لا منا عطــينا
.
نفعل المعروف من طيب و قناعه
ولا رفضنا شي / ما يفرض علينا

.........................

في الوداع الاخير اللي يقص الظهر
بين دمع الكلام و بين صمت ٍطويل

يوم كانت تذكّرني ( دعاء السفر )
كنت اردد على نفسي دعاء الرحيل

.........................

لا تنادي المقفي خل قلبك قوي
إدع له بالسلامه وإدع له بالهنا

ما يزيد المواجع غير غدر الخوي
وما يحر المدامع غير فرقا الظنا

.........................

بانت خفايا ناس كانو عزيزين
جابت لنا الايام .. ماكان فيهم

ماني معاتبهم ، عتاب المحبيّن
الله يسامحهم ، ويـستر عليهم

.........................

دام الزمن ياصاحبي يمشي سريـع
وش لي بتفتيش الصدور الخافيه

يامنوتـي محـدٍ بهالدنيا يضيـع
غيــر المبادي .. والقلوب الوافيه

........................

ياليت مجروح الهوى جرحه يشاف
لقول : قرب من جروحك ، وشفهـا

شفها بـعينك كانك من الله تخاف !
حـاول تصلح .. غلطـتن ، مقترفهـا

........................

الله معك والسموحه وانتبه للطريق
مدام نفسك على درب الجفا ضاميه

علمتني طعنت المقفي وغدر الرفيق
وعلمتك ان النفوس الساميه ساميه

........................

سفى الوقت يالقاطع على بابك المغلوق
وانا مؤمن إن بابك ماهو باب للجنّه

تضيع المحبه يوم تهمل شعور الشوق
مثل ماتضيع أغلى العطايا من المِنّه.!

........................

يآ سـآتر آلحآل لآ تكشف لنآ خآفي
لـ عيون الأصحآب ولآ عيون شمآته

يضحك على ونّة آلمجروح مـتعآفي
و يشعر بهآ وآحد ، عآنَـى معآنآته!

.........................

العيش والملح والصحبه عليها السلام
شفت اكــثر الناس ماتوفي مواجيبها'

وقت المصالح صداقتهم عليها الكلام
ولا راحـت المصلحه كثرت عذاريبها

.........................

مافات خله وﻻتهـــــتم من باكر
واغنم من اليوم ماساقت توافيقه

الله على مايفرج كربتك قــــادر
والله له الحكم في دبرة مخاليقه

.........................

قال اللقاء .. قلت كذبه لاتصدقها
لا والله إلا الفراق .. اللي عزف فنه

ثلاثه أحلام .. لا يمكن .. تحققها
حلمي وحلمك /وحلم ابليس بالجنه

.........................

استريحيى يا عيـوني واستكنّي
مابـه الا ما كتبه الله علينا

لو نحصّل ما نحبه بالتمنّي
كان كل اللي نحبه في يدينا

.........................

لو ان الحسافه والندم تمسح اللي فات
وتشــــفع لحاضرنا وتغفر لـ ماضينا

صرفنا الحسافه كلها والندم "بالذات"
على اللي نعلمه الرمـــــايه ويرمينا

.........................

في ذمتي ما يحطمني ويجرحني
الّا الردي لا غدر في واحدٍ طيّب

والموقف اللي يكمّلها ويذبحني
لا ثارت البندق العوجا من قريّب

.........................

يازين الحياة ايام بيت الشعر والطين
قبل عصر موضات السراميك والفله

مكنا على تالي هذاك الزمان الزين
وياليتنا عشنا هذاااك الزمن كله

.........................

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة